0918 266 499
info@plesrusinov.sk
Ples Rusinov
Ples Rusinov

Сполочность

Проґрам

Забава

Нагороджіня

Думка балу

Головным орґанізатором події є обчаньске здружіня молоды.Русины. Цільом події є вытворити простор про сполоченьску стрічу Русинів на репрезентачній уровни. Меджі Русинами є много успішных, іншпіратівных і амбіціозных умелців, лікарів, шпортовців, бізнісменів, актівістів, котры свойов роботов давають вклад ку збогачованю нашой сполочности і наконець і ку звидительніню Русинів на Словакії. Мена як Михал Гудак, Енді Варгол, Пол Нюмен, Петер Бондра, Мірослав Лайчак, Юрій Штеньо бізовно не треба представльовати і тоты вшыткы высоко цінены люди мають штось сполочне – русиньскы коріня. Взятьом участи на приготовльованю балу і вдяка Вам поможеме проглубити співпрацу меджі актівныма Русинами. Бал орґанізує ся з підпоров Русиньской оброды на Словеньску, Здружіня інтеліґенції Русинів Словеньска, Округлого стола Русинів Словеньска і далшых русиньскых орґанізацій і актівістів. В рамках події передавать ся і нагорода русиньскій особности.

ocenenie ocenenie
Участны балу будуть свідками передаваня інсіґній новозаснованого Ордену Адолфа Добряньского, котрый буде удільовати Округлый стіл Русинів Словеньска (ОСРС) фізічным особам, котры заслужыли ся о розвиток народной ідентічности, обгайобу прав Русинів, якы выходять з меджінародных документів і підниманя якости жывота Русинів на Словакії і за граніцями. Новозаснованый орден несе мено вызначногно русиньского будителя і політіка А. І. Добряньского. Орден має пять клас і єдну окрему класу з коланом (ланцом ордену). ОСРС хоче такым способом оціньовати заслугы на благо Русинів.
ocenenie
4-тa класa Oрдену Адолфа Добряснького
доц. ПгДр. Василь Ябур, к. н. – є єдным із кодіфікаторів русиньского языка на Словакії. Належыть ку найвызначнішым русиньскым языкознателям, быв директором Інштітуту русиньского языка при Русиньскій оброді на Словакії, доднесь діє на Інштітуті русиньского языка і културы Пряшівской універзіты в Пряшові. Є автором многых науковых робот з области русиньской языконаукы. Oрден Адолфа Добряснького 4-ой класы ся му запожычавать за вызначный вклад до области розвитку русиньского языка.
ocenenie
4-тa класa Oрдену Адолфа Добряснького
Мґр. Анна Кузмякова – русиньска новинарька, перекладателька і актівістка. Была членков першой редакції русиньской періодічной пресы по 1989-ім році, котра выникла при Русиньскій оброді на Словеньску. Пізніше основала періодікум Інфо Русин. Так само брала участь на приготовліню кодіфікації русиньского языка. Была і предсидательков Русиньской оброды на Словеньску, засновала єдиный цілословацькый конкурз в декламації в русиньскім языку Духновічів Пряшів. Орден Адолфа Добряньского 4-ой клады ся їй запожычавать за вызначный вклад до области розвитку русиньской пресы і културы.
ocenenie
5-тa класa Oрдену Адолфа Добряснького
Мґр. Боґдан Ґамбаль – русиньскый актівіста з Польщі быв у русиньскім русі од другой половины 1980-ых років. По 1989-ім році быв єдным з тых, котры обновили діялность найстаршой русиньской орґанізації в Польщі – Руска Бурса в Ґорлицях, є їй председом. У 2011-ім році засновав при тій орґаніації перше русиньске інтернетове радіо, котре высылало 24 годин денно lem.fm. Меджічасом дістало ся до терестріалного высыланя. Коло радія выникнув і інформачный протал lem.fm. Орден Адолфа Добрянсьлого 5-ой клады ся му запожычавать за вызначный вклад до области русиньскых медій.

Актуалный річник

13. 02. 2021 Hotel DoubleTree by Hilton

  • 18.00- 19.00 – приход гостів (привітаня, welcome drink)
  • 19.00 – одкрытя балу
  • 19.10 – културный проґрам
  • 19.20 – перше танечне коло
  • 20.00 – вечеря
  • 21.00 – зачаток продаваня томболы
  • 21.30 – културный проґрам
  • 22.00 – передаваня нагороды русиньскій особности
  • 23.00 – шведьскы столы
  • 23.30 – томбола
  • 04.00 – закінчіня балу
Продаваня тікетів

В припаді інтересу о тікеты треба нас контактовати на телефонічнім чіслі 0918 266 499 або на імейловій адресі info@plesrusinov.sk

В ціні тікету є welcome drink, припиток, вечеря з двома ходами, кава, дезерт, вино, півночны теплы і студены буфетовы столы, проґрам. Властный алкогол не є акцептовательный.

По тікеты треба прийти по договорі імейлом або телефонічно. Сиджіня є за округлыма столами про 10 людей.

Dresscode: Black Tie Optional

Black tie optional

Тот dress code значіть можливость выбрати собі смокінґ або чорный анцуґ. Є то добре втогды, кедь не маєте смокінґ і мусили бы сьте собі го пожычіти або купити. Просто собі возьте якостный чорный анцуґ, білу кошулю і чорну машлю. Мерькуйте, жебы вам анцуґ добрі сидів, бо в опачнім припаді бы сьте вызерали як недостаточно престіжні облеченый на тоту подію.

Zdroj: TheTrendSpotter

Уквартельованя

Уквартельовати ся годны сьте прямо в готелі DoubleTree by Hilton Košice. Про навщівників балу давать ся звыгоднена ціна. При резервації уквартельованя треба інформовати, же сьте гостьом Репрезентачного балу Русинів. Просиме, в припаді інтересу контактуйте резервачного аґента на телефонічнім чіслі +421 55 3251 500

www.doubletree-kosice.com

Партнеры і спонзоры
Орґанізатор
Ґенералны спонзоры
Головны спонзоры
Спонзоры
Партнеры
Медіалны партнеры